Kampionët e Gjermanisë kanë blinduar 4 prej prej xhehahirëve të tyre duke zgjatur marrëveshjet e bashkëpunimit me ta. Me një komunikatë zyrtare në Twitter klubi bavarez konifirmoi rinovimin e kontratave për Thomas Muller, Jerome Boateng, Javi Martinez dhe Xabi Alonso. Sulmuesi dhe mbrojtësi gjerman ashtu si edhe spanjolli Javi Martinez e kanë zgjatur marrëveshjen e bashkëpunimit deri në vitin 2021, ndërsa Xabi Alonso ka rinovuar deri në 2017-n. Tashmë tifozët e Bayernit mund të qëndrojnë të qetë sidomos kur bëhet fjalë për Thomas Muller, i cili gjatë merkatos së kaluar ka patur shumë oferta.

Drejtuesit e Manchester United me kërkesë të trajnerit të tyre Louis Van Gaal ishin gati të bënin një cmenduri për të transferuar në Old Trafford bomberin 26-vjecar, por 85 milionë Eurot e ofruara nga Djajtë e Kuq për Muller u refuzuan nga klubi gjerman. Edhe Boateng, Martinez e Alonso ashtu si Muller janë tre lojtarë me peshë për Bayernin. 4 futbollistët firmën e rinovimit e hodhën në praninë e shefit ekzekutiv Karl Heinz Rummenigge dhe drejtorit sportiv Mathias Sammer. Shumë i lumtur u shfaq Rummenigge pas rinovimit me këta 4 futbollistë të cilët i konsideroi si shumë të rëndësishëm për skuadrën. Ndërkohë vetë Muller, Boateng, Alonso e Martinez e shprehën nëpërmjet një fotoje selfie gëzimin që do të jenë pjesë e Bayernit edhe në të ardhmen.