Në intervistën “Ballë për Ballë” në emisionin Ora e Fundit në Klan Kosova ka qenë i ftuar Avokati i Popullit, Hilmi Jashari.
Ai ka folur për përmbylljen e vitit 2015 nga institucioni që udhëheq.
“Gjendja nuk është e kënaqshme, pasi qytetarët përballen me disa probleme”
Edhe sa i përket mekanizmat ndërkombëtar Kosova nuk qëndron mirë, për shkak të situatës politike të Kosovës, ka shtuar ai.
Institucioni i avokatit të popullit në vazhdimësi pranon ankesa nga qytetarët për zvarritje të disa proceseve.
“Mendoj se qytetarët kanë besim në këtë institucion, ai duhet të ndikojë në rritjen e besueshmërisë, dhe zbatimi i rekomandimeve të avokatit të popullit pasi ato janë në të mirë të qytetarëve të vendit”.
E numri i ankesave është rreth 4000 ankesa në të cilat një numër i madh ka të bëjë me institucionet e drejtësisë dhe administratës publike.
Ai ka thënë se ka shumë raste të cilat përfitojnë, pasi ta bëjnë ankesën tek Avokati i Popullit.
“Rekomandimi i Avokatit të popullit është diku me përqindje 50-50”, ka thënë Jashari.
“Avokati i popullit është kategori kushtetuese dhe ky po ashtu duhet të akomodohet në një objekt. Ai ka hyrë edhe në një nga ato tetë pikat për liberalizimin vizave nga komisioni evropian”.
Jashari ka folur edhe për kategori të veçanta si LGBT.
“Nëse flasim për grupet që janë më të cenueshme si komuniteti LGBT, por nuk mund të themi se ka pasur shumë ankesa për raste të tilla. Rastet e tilla kanë të bëjnë me keqtrajtim apo shkelje të drejtave individuale apo kolektive”.
“Ngjarjet politike në vend i kemi përcjell me shqetësim, kemi marrë deklarata nga personat nga të cilët është pretenduar se janë keqtrajtuar fizikisht”.
Jashari ka folur edhe për protestat e fundit që janë organizuar në Kosovë.
“Ka pasur raste në të cilat mund të themi kur janë shkel të drejtat e njeriut. I kemi dërguar lëndët prokurorisë, pasi institucioni që unë udhëheqë nuk mund të jap konstatime”, ka thënë Jashari.
Ai ka thënë se edhe dhuna nga protestuesit por edhe ajo e mundshmja nga policia duhet të hetohen fillimisht nga prokuroria, njofton Klan Kosova.
