Profesori i Shkencave Politike në Serbi, Jovan Teokareviq, ka thënë se Kosova nuk është e vetmja, por është një ndër pikat kyçe në negociatat ndërmjet Serbisë dhe BE-së dhe është diçka që nuk duhet nënvlerësuar. Ai thotë se Kapitulli 35 që ka të bëj me statusin e Kosovës do ta lë Serbinë e Kosovës për vite të tëra në tavolinën e bisedimeve.
Teokareviq beson se Kapitulli 35 do të jetë më i diskutueshmi viteve të ardhshme, dhe sipas tij, ky proces negociues do të jetë në çdo kohë në rendin e ditë, transmeton ksp.
“Gjithashtu, kapitujt 23 dhe 24, që kanë të bëjnë me sundimin e ligjit, lirisë dhe sigurisë, që do të hapen në vitin 2016, do të negociohen në fund”, ka theksuar ai.
Ai është shprehur se negociatat mes Serbisë e BE-së për anëtarësim janë më specifike për shkak të Kapitullit 35 i cili drejtpërdrejt ka të bëj me statusin e Kosovës.
“Ata po e presin Serbinë, pasi absolutisht Serbia nuk është e gatshme të negociojë”, ka vlerësuar ai.
Ai i ka rikujtuar detyrimin Serbisë përpara se të bashkohet në BE me Kosovën se duhet të përfundojë marrëveshjen e procesit të normalizimit të marrëdhënieve.
Përkundër që kryeministri i Serbisë, Aleksandar Vuçiq, ka thënë se proces i duhet të kryhet deri në fund të vitit 2019, Teokareviq vlerësoi se kjo gjë nuk është reale.
“Do të ishte mirë që gjithçka të kryet në fund të 2019-ës, por kjo nuk është reale. Çdo pohim nën gjashtë apo shtatë vite negociatash është joreal, që më pas do të pasojë me dy apo tri vite tjera për ratifikimin e marrëveshjeve. Më herët, qëllimi ishte viti 2018, tash 2019-a, por as 2020-a nuk do ta gjej këtë proces të përfunduar. Ky është realiteti por nuk duhet dekurajuar nga kjo gjë”, ka theksuar profesori.
