Ambasada e Gjermanisë në Kosovë ka mbështetur protestën e sotme të shoqërisë civile për shkak të shtyrjeve të formimit të legjislaturës së nëntë pas më shumë se katër muaj të mbajtjes së zgjedhjeve në vend.
Në një postim në rrjetin Facebook, ambasada gjermane thotë se Kosovës i duhet një Kuvend funksional, një kryetar i zgjedhur dhe një qeveri që jep për të gjithë qytetarët e saj.
Haxhiu: Kushedi, ndoshta VV do ta ketë një qëndrim tjetër për kryeparlamentar • KosovaPress
“I japim jehonë mesazhit të fortë të shoqërisë civile: Kosovës i duhet një Kuvend funksional, një kryetar i zgjedhur dhe një qeveri që jep – për të gjithë qytetarët e saj. Siç ka theksuar edhe ambasadori (Jorn) Rohde vazhdimisht: vendi i pari, politika partiake e dyta. Është përgjegjësi kolektive e të gjithë deputetëve dhe partive të zgjedhura të tregojnë lidership, të angazhohen në dialog kuptimplotë dhe kompromis në frymën e Kushtetutës. Mandatet demokratike vijnë me llogaridhënie. Le të ecim përpara – për stabilitet, për progres dhe për popullin.”
Lexo po ashtuAnulohet konferenca e kryetares së Gjykatës SpecialeKujtojmë, sot për tridhjeteshtatën herë ka dështuar formimi i Kuvendit, pasi Lëvizja Vetëvendosje, Guxo e Alternativa nuk po i kanë votat për zgjedhjen e Albulena Haxhiut kryetare.
Grupi parlamentar i AAK-së ka dërguar për interpretim në Kushtetuese mënyrën e fshehtë të votimit që po kërkojnë Lëvizja Vetëvendosje, Guxo e Alternativa.
Vazhdimi i tridhjetetetë i seancës konstituive do të mbahet ditën e premte, më njëzeteshtatë qershor dymijenjëzetepesë, duke filluar nga ora njëmbëdhjetë, raporton KosovaPress.
Albulena HaxhiuGuxoAlternativaLëvizja VetëvendosjeAmbasada e Gjermanisë në Kosovë
