Kreu i Prishtinës, Shpend Ahmeti, ka thënë se kur Isa Mustafa flet për Prishtinën e di se aty shpërfaqet dallimi kryesor në mes te koncepteve të qeverisjes.
Ahmeti ka thënë se ai nuk përmend as çerdhet, as tregun e prodhimeve vendore, as vendet e punës e as rrugët e ndriçimin.
“Por e ka një temë e cila e frikëson më shumë se të gjitha. Është dallimi në qasjen ndaj korrupsionit, parregullsive, nepotizmit”, ka thënë Ahmeti.
Ahmeti është kthyer dy vjet më parë, kur ishte në balotazh me Mustafën, dhe kishin intervistat me gazetarë e analistë ndarazi në KTV.
Ka parafrazuar këtë bisedë:
Njëri prej gazetarëve ja shtroj këtë pyetje Mustafës:
– A jeni në dijeni se një prej ndërtesave më të mëdha në Prishtinë (ja përmend emrin e ndërtesës) është pa leje?
– Mund të jetë pa leje ose me leje
– Jo jo ne e dijmë se është pa leje
– Mund të jetë, unë nuk e kam regjistrin
“Kështu përfunduam me 46 mijë e ndërtimet pa leje ishin standard. Nuk ishte puna vetëm e mosditurisë për lejet por edhe e përfshirjes në to”, ka thënë Ahmeti.
Një natë më vonë isha unë me analistët. Pyetja ishte:
– A do ti ndalni ndërtimet pa leje?
– Po
“Vërejta një mosbesim tek gazetarët me një buzëqeshje. E kuptova atë natë e edhe sot e kuptoj se dukej e pamundur. Diçka që nuk mund të bëhej. Por Vetëvendosje e bëri. Sot nuk përmendet fare sepse është bërë normal ndërtimi me leje ndërsa ndërtimet pa leje janë anomali. Pra kemi dallimin edhe atëherë edhe sot në mes të s’mundet dhe mundet. Storiet e korrupsionit janë normale për të. Nuk janë normale për neve. Storiet e nënshtrimit janë normale për të. Nuk janë normale për neve. E shumë e shumë shembuj të tjerë. Edhe atëherë përbuzte nderin, punën dhe argumentin e të tjerëve. Atëherë humbi dhe Prishtina mund të shihte ndryshe. Edhe Kosovës i duhet të sheh ndryshe”, ka thënë Ahmeti. “Jo përmes syzeve të ‘s’mundet e s’bëhet” tek ato të “mundet e bëhet’. Ne mundemi ta luftojmë korrupsionin. Ne mundemi të kemi zhvillim. Ne mundemi të kemi shtet normal. Ne mundemi të jetojmë të barabartë”, ka shtuar më tej ai.
