Këngëtarja britanike Adele ka fituar katër çmime në “Brit Awards”
“Të kthehesh pas një kohe të gjatë dhe të pranohesh aq ngrohtësisht, do të thotë shumë”, ka thënë Adele, e cila ka fituar çmimin e artistes më të mirë solo, albumit më të mirë, këngës më të mirë dhe atë të suksesit global.
Çmimet Brit i ndan industria muzikore e Britanisë dhe ato janë ekuivalente me çmimet Grammy në Shtetet e Bashkuara.
Në të vetmen kategori ku ajo nuk fitoi ishte në “Klipi i vitit”, ku triumfues dolën grupi One Direction me këngtën “Drag me down”. “Artisti më i mirë” u shpall James Bay, ndërsa çmimi për grupin më të mirë birtanik i takoi Coldplay.
“Artisti më i mirë ndërkombëtar” u shpall Justin Bieber, ndërsa për kategorinë e femrave çmimi i takoi Bjork. Për “Grupin më të mirë ndërkombëtar” triumfoi Tame Impala.
Zgjedhja e kritikëve ishte Jack Garratt, ndërsa çmimi special si legjendë e muzikës shkoi për David Bowie. “Producenti më i mirë britanik” u shpall Charlie Andrew.