[third_paragraph][first] Left Side Content [/first][second] Middle Content [/second][third] Right Side Content [/third][/third_paragraph]Forcat kurde i kanë dëbuar militantët e Shtetit Islamik (IS) jashtë Kobanit, dy ditë pasi ata kishin hyrë në këtë qytet, ka njoftuar Observatori për të drejtat e njeriut me seli në Londër.
Mëtutje, ky observator ka thënë sot se nga sulmi i militantëve të Shteti Islamik, më 25 qershor, ishin vrarë së paku 174 civilë.
Janë vrarë edhe 16 luftëtarë kurdë dhe 54 miliantë të IS-it.
Ushtria e Sirisë dhe forcat kurde kanë zhvilluar luftime të ndara kundër militantëve të Shtetit Islamik rreth qytetit Hasakeh, gjatë natës.
Kombet e Bashkuara kanë thënë se prej sulmit në Hasakeh, më 25 qershor nga militantët e Shtetit Islamik, vlerësohet se 120 mijë banorë ishin zhvendosur./rel/
