Kryeministri Isa Mustafa do të qëndrojë në Berlin më 3 qershor, njofton Klan Kosova. Burime nga Ministria e Jashtme Gjermane kanë konfirmuar se ai do të pritet nga homologia e tij, kancelarja Angela Merkel.
Mustafa shkon në Berlin dy javë pasi aty qëndroi kryeministri i Serbisë, Aleksandër Vuciq. Ky i fundit nuk u prit nga Merkel, por nga zyrtarë të partisë së saj, CDU.
Klan Kosova po ashtu mëson se kancelarja gjermane do ta vizitojë Tiranën në fund të korrikut. Ajo do ta vizitojë Shqipërinë me ftesë të kryeministrit Edi Rama.
Rama pati tretman të veçantë nga Merkel me rastin e samitit të liderëve të rajonit të Ballkanit në Berlin, gushtin e kaluar.
Ai ishte i vetmi që doli në konferencë të përbashkët për shtyp me shefen e qeverisë gjermane.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
