Zjarret masive që kanë përfshirë Los Angeles-in, kanë shkaktuar dy viktima dhe një numër të lartë të plagosurish, përfshirë banorë që nuk janë evakuuar dhe punonjës të ekipeve të emergjencës.
Shërbimet e emergjencës janë në kufijtë e kapaciteteve, duke u përpjekur të shpëtojnë jetë në një situatë të paprecedentë.
Banorët e Los Angeles-it, të mësuar me zjarre intensive, përballen këtë herë me një situatë shumë më të rrezikshme.
“Në pothuajse 30 vite që jetoj në Los Angeles, nuk kam parë kurrë një situatë kaq të rrezikshme” tha sipas bbc një banor.
Mijëra familje janë strehuar në qendrat e evakuimit pa e ditur nëse do të kenë një shtëpi ku të kthehen.
Operacionet kritike për shpëtimin e jetëve po vazhdojnë, por rreziku mbetet i lartë, pasi erërat e fuqishme pritet të vazhdojnë deri të premten.
