Tashmë është zyrtare!
Këshilli i Lartë i Sporteve (CSD) ka lëshuar një deklaratë këtë të mërkurë, ku konfirmon se “është miratuar masa e përkohshme urgjente e kërkuar nga Barcelona dhe nga lojtarët Dani Olmo dhe Pau Víctor”.
Në të njëjtën deklaratë, CSD konfirmon se masa ka një karakter të përkohshëm deri në zgjidhjen përfundimtare të ankesës së paraqitur nga klubi dhe futbollistët e përmendur. Gjithashtu, masa “pezullon Marrëveshjen e Komisionit të Monitorimit të Marrëveshjes së Koordinimit RFEF-LaLiga, datë 4 janar 2025”.
Në këtë mënyrë, masa e përkohshme është miratuar vetëm disa orë para ndeshjes mes ekipit të drejtuar nga Hansi Flick dhe Athletic në Superkupën e Spanjës. Megjithatë, as Dani Olmo dhe as Pau Víctor nuk janë përfshirë në listën përfundimtare të thirrjeve për ndeshjen gjysmëfinale, edhe pse mund të jenë të disponueshëm për një finale të mundshme, nëse Barcelona kalon më tej.
Sipas burimeve nga klubi, të dy lojtarët nuk janë të disponueshëm për ndeshjen ndaj Athletic sepse ende nuk janë aktivizuar licencat e tyre.
Duhet kujtuar se, pas refuzimeve nga LaLiga dhe RFEF, Barça paraqiti një ankesë te CSD më 7 janar. Më në fund, masa e përkohshme u miratua sot, pas disa ditëve me shumë tension, ku çështja ka qenë në qendër të vëmendjes kudo.
