Për festat e fundvitit, shumë bashkatdhetarë marrin rrugën për në Kosovë.
Derisa aeroporti po mbushet e kolona po krijohen në pikat kufitare, disa kanë zgjedhur një tjetër rrugë për të arritur deri në vendlindje, shkruan IndeksOnline.
Shumë prej mërgimtarëve po i drejtohen Barit të Italisë, për të shfrytëzuar tragetin që i sjellë në portin e Durrësit.
Zakonisht, kjo formë e udhëtimit merr kohë afro nëntë orë, ndërkaq nga Durrësi e deri në pikën kufitare në Morinë kalohen 2 orë.
Udhëtimi i sontëm me traget nga Bari ishte përplot.
