Barcelona është mposhtur sonte nga Monaco, në raundin e parë të fazës së Ligës në Ligën e Kampionëve.
Katalonasit pësuan 2:1 në udhëtim nga ekipi francez, në një ndeshje e cila u vendos nga një episod i hershëm.
Një gabim i Ter Stegen bëri që Eric Garcia të ndëshkohej me karton të kuq në minutën e 10-të të ndeshjes.
Më pas, Monaco arriti të kalonte në epërsi, megjithatë Yamal me një gol të bukur barazoi shifrat.
Megjithatë, me një gol të pjesës së dytë Monaco e vulosi fatin e këtij takimi.
Në anën tjetër, Arsenali barazoi pa gola me Atalantan në ndeshjen kryesore të sontme, e cila nuk prodhoi shumë raste.
Mundësinë më të mirë e pati Retegui i cili dështoi të shënonte nga penalltia.
Atletico Madridi shënoi fitore 2:1 ndaj Leipzig, kurse Brest triumfoi 2:1 ndaj Sturm Graz./express
