Kapiteni i anijes që u fundos në fundjavë në kanalin e Siçilisë ishte i dehur. “Kishte pirë verë e tymoste hashash në timon dhe kur pa të afrohej anijen portugeze të mallrave që deshi t’i ndihmonte, tentoi të largonte mjetin.”- shkruajnë mediat italiane referuar dëshmive të dhëna nga të mbijetuarit.
Por mesa duket manovrat e gabuara sollën efekt të kundërt duke çuar drejt një përplasjeje dhe më pas fundosje të peshkarexhës. Sipas hetimeve goditja nuk ka qenë e fortë por postimi i menjëhershëm i personave që ndodheshin në bordin e peshkarexhës bën që kjo e fundit të përmbysej.
Dëshmitë e disa prej të mbijetuarve kanë ndihmuar Prokurorinë e Katanias që të ndërtojë një skemë fillestare për ngjarjen.
Vetëm 28 persona mundën të mbijetojnë pas përmbytjes së anijes në të cilën ndodheshin rreth 950 persona./bw/
