Bashkëpunimi ndërmjet Komunës së Mitrovicës dhe asaj të Skenderajt është i shkëlqyeshëm. Ky bashkëpunim duhet të vazhdohet dhe të intensifikohet në të gjitha fushat ku është e mundur, sepse një bashkëpunim i tillë padyshim është në të mirë të qytetarëve të të dyja komunave.
Kështu u tha gjatë takimit delegacionit të Komunës së Skenderajt, të udhëhequr nga kryetari Sami Lushtaku, me kryetarin e Mitrovicës, Agim Bahtiri, të premten në Mitrovicë.
Ata kanë biseduar për tema me interes për qytetarët, duke përfshirë edhe aktualitetin politik, gjendja e sigurisë, si dhe vazhdimin e bashkëpunimit në fusha të ndryshme e me interes për qytetarët e të dyja komunave.
Bahtiri ka njoftuar mysafirët edhe me përpjekjet që komuna e Mitrovicës po bënë në prurjen e investitorëve të ndryshëm dhe realizimin e projekteve që mundësojnë zhvillimin ekonomik të qytetit, zvogëlimin e papunësisë dhe të problemeve ekonomiko-sociale.
Në anën tjetër, kryetari i Skenderajt, Sami Lushtaku, tha se ndjehet mirë që është për vizitë në komunën e Mitrovicës dhe që ka mundësi të bisedoj për këmbimin e përvojave, për zhvillimin e ekonomik të të dyja komunave dhe për të parë mundësitë konkrete për bashkëpunim në të ardhmen.
“Si shembull i bashkëpunimit të mirë u përmend edhe angazhimi i drejtuesve të të dyja komunave për realizimin e projektit për riciklimin e mbeturinave, që pritet të filloj së ndërtuari në Zonën e Lirë Ekonomike në Frashër, ku investitor është kompania amerikano-suedeze “Green 3Powr”.
