Trajneri i Bayern Munichut, Pep Guardiola, e ka pranuar se ai nuk mund t’i zëvendësojë cilësitë individuale të Franck Riberys dhe Arjen Robbenit, pasi që këta dy futbollistë do të mungojnë në ndeshjen kundër Werder Bremenit të shtunën.
Robben luajti vetëm 19 minuta në fitoren 7-0 kundër Shakhtar Donetskut në Ligën e Kampionëve, ndërsa Ribery u largua nga fusha pak para se të bëheshin një orë.
Guardiola shpreson që Bavarezët t’i përmirësojnë paraqitjet e tyre në mungesë të këtyre dy yjeve, pasi që në të kaluarën kanë arkëtuar më pak pikë kur ata kanë munguar.
“Ne kemi humbur cilësi për situatat një kundër një. Mirëpo, do të mundohemi t’i përmirësojmë statistikat pa ta”, ka thënë spanjolli. /Telegrafi/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
