Komandanti në largim i Forcës dhe i Sigurisë së Kosovës Kadri Kastrati, ka deklaruar se në listat e publikuara të veteranëve të Ushtrisë Çlirimtare të Kosovës janë bërë parregullsi.
Ai në emisionin “Info Magazine” të Klan Kosovës ka thënë ndër të tjera se i ka premtuar ushtarëve të tij se do t’i largojë ata që nuk kanë qenë veteranë të UÇK-së, transmeton Zëri.
“Veteranë duhet të jenë personat që kanë qenë me pushkë dhe jo me njerëz që kanë qenë jashtë. Pra, them se në listat e veteranëve ka parregullsi dhe kjo është për keqardhje. Unë jam në kontakt me ushtarët e mi dhe ju kemi premtuar t’i largojmë gjithë ata që s’kanë qenë veteranë të luftës”, ka thënë ai. /Zëri/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
