KFOR’i njofton për një takim të Gjeneralit Francesco Paolo Figliuolo me Ambasadorin amerikan në Beograd Michael D. Kirby në shtabin e KFOR’it në Prishtinë ku ka marrë pjesë edhe Ambasadorja Tracey Ann Jacobson.
Ky është njoftimi i KFOR’it për takimin.
Sot, Komandanti i KFOR-it, Gjeneral Major Francesco Paolo Figliuolo, pati një takim me ambasadorin amerikan në Serbi, shkelqësinë e tij Michael D. Kirby, në kampin “Film City” Shtabin qendror të NATO-s, KFOR-it në Prishtinë.
Gjatë vizitës së tij në Shtabin e KFOR-it, shkelqësia e tij Michael D. Kirby diskutoi me Gjeneralin Figliuolo shumë tema në lidhje me zhvillimet më të fundit të sigurisë dhe gjendjen socio-ekonomike në Kosovë. Shkelqësia e tij Kirby theksoi rolin vendimtar të KFOR-it në sigurimin në mënyrë të paanshme të një mjedisi të sigurtë në Kosovë për të mirën e të gjithë qytetarëve të Kosovës. Ai gjithashtu theksoi respektin e lartë që autoritetet serbe kanë për KFOR-in, duke e konsideruar atë të jetë element kryesor stabiliteti në Kosovë, duke përmirësuar kështu sigurinë e përgjithshme të rajonit të Ballkanit. Në takimin i cili u mbajt në Shtabin qendror të KFOR-it mori pjesë edhe ambasadorja e SHBA-ve në Kosovë, Tracey Ann Jacobson.
Ata gjithashtu u përqendruan në progresin pozitiv të arritur gjatë bashkëpunimit ndërmjet KFOR-it dhe akterëve të tjerë rajonal të sigurisë. Komandanti i KFOR-it e shfrytëzoi rastin për të shprehur mirënjohjen e tij për kontributin dhe mbështetjen e SHBA-ve, duke theksuar profesionalizmin dhe angazhimin e anëtarëve të shërbimit të SHBA-së që nga viti 1999 si pjesë e misionit të KFOR-it.
Aktualisht kontingjenti amerikan përbëhet nga rreth 700 ushtarë, duke pasur epërsinë e Grupit Shumëkombësh të Luftarak Lindje, me bazë në Kampin “Bondsteel”, dhe trupa të tjera amerikane janë pjesë e Stafit të Shtabit qendror të KFOR-it në kampin “Film City”.
Lexo më shumë në: http://www.gazetaexpress.com/lajme/ambasadori-amerikan-ne-serbi-takon-komandantin-e-kforit-ne-prishtin-86678/?utm_source=referral&utm_medium=web&utm_campaign=copyright
