Organi Shqyrtues i Prokurimit që ndryshe njihet si gjykata e tenderëve, pretendon se i ka shpëtuar buxhetit të vendit 2 milionë e 213 mijë euro me vendimet që i
ka marrë rreth tenderëve publik në vend.
Kreu i OSHP-së, Hysi Hoxha ka thënë për Tribuna Channel, se gjatë vitit të kaluar kanë trajtuar 537 ankesa të parashtruara nga Operatorët Ekonomik, vlera e të cilave ka qenë 170 milionë euro.
Ai ka njoftuar se Paneli Shqyrtues ka marrë vendim që në 162 raste, tenderët të kthehen në rivlerësim.
Hoxha ka njoftuar për shkeljet më të shpeshta që i bëjnë menaxherët e prokurimit gjatë procedurave të tenderëve.
OSHP-ja ka konstatuar se në shumicën e rasteve ka hasur në parregullsi gjatë procesit të vlerësimit të ofertave në procedurat e prokurimit dhe në marrjen e vendimeve të gabuara për shpalljen e fituesit. /Gazeta Tribuna/
