(I plotësuar) Mësohet se viktimat e vrasjes së trefishtë sot në Prizren janë personat me inicalet F. Shishko, H. Thaçi dhe B Ersoj, të gjithë nga Prizreni.
Sipas RTK-së në vendin e ngjarjes kanë ngelur gëzhojat e fishekëve të cilat sipas policisë janë të dy kalibrave të ndryshëm, kallashnikov dhe pistoletë. Ende policia nuk i ka bërë të ditur motivet e kësaj vrasje makabër, ndonëse ka një pistë hetimi, ndërsa personat të cilët e kanë kryer këtë akt të rëndë janë në arrati.
Vrasje e trefishtë në Prizren, policia në kërkim të 2 të dyshuarve
Policia është vënë në kërkim të dy të dyshuarve të cilët mendohet se janë përgjegjës për krimin makabër para disa orësh.
Zëdhënësi i policisë në Komunën e Prizrenit, Hazir Berisha ka thënë se policia është në kërkim të dyshuarve.
“Ende nuk dihet për motivet e krimit. Policia dhe hetuesit janë shpërndarë në kërkim të dy të dyshuarve. Gjithashtu jemi duke shikuar kamerat e sigurisë të cilat janë vënë në atë zonë për të parë nëse mund të marrim ndonjë informacion të rëndësishëm”, ka thënë Berisha.
Megjithatë ata nuk kanë njoftuar për emrat e të vrarëve dhe moshën e tyre. Hetimet po vazhdojnë./Zeri/
***
Rreth orës 14:15 minuta në Prizren ka ndodhur një ngjarje tragjike ku si pasoj kanë mbetur të vrarë 3 persona. Ngjarja ka ndodhur afër spitalit të qytetit ku një person ka shtënë me armë zjarri duke vrarë tre persona. Lajmin për “Zërin” e ka konfirmuar edhe komandanti i policisë në Prizren, Nexhmi Krasniqi.
“Po, rreth orës 14:15 si pasojë e të shtënave me armë kanë mbetur të vrarë tre persona”, ka thënë Krasniqi.
Ndërkohë sipas burimeve të gazetës “Zëri” bëhet fjalë për një zënkë të vjetër në mes të dy palëve. Për detajet e tjera do të ju njoftojmë pas pak./Zeri/
