Në raportin e sotëm të Klinikës Infektive në QKUK, bëhet e ditur se në klinikë janë të shtrirë 100 pacientë. Prej tyre të sëmurë me Covid-19 janë gjithsej 85 raste.
Bëhet e ditur se 42 raste janë duke u trajtuar ne reparte me oksigjenoterapi dhe përkujdesje intensive.
“Ne repartin e Mjekimit Intensiv janë duke u trajtuar 6 raste në gjendje kritike”, njofton QKUK, transmeton Gazeta Sinjali.
“Sot nga klinika do të lirohen 8 raste të shëruara nga infeksioni me Covid-19 si dhe 2 raste ende pozitive, por në gjedje stabile.
Në njësinë intensive tek objekti i Mjekësisë Sportive janë 3 pacientë, 1 i intibuar dhe 2 me CPAP.
Në Klinikën e Pulmologjisë dhe Dermatologjisë janë të shtrirë 22 raste të dyshuara me Covid-19 dhe 4 raste me Covid-19 pozitiv që pritet të transferohen në Klinikën Infektive”, thuhet në njoftimin e tyre. /GS/
