Një periudhë e gjatë e beqarisë nuk do të ketë efekte të qëndrueshme në shëndetin tuaj, por ju ende mund të jeni në kohë për ndryshime.
Ekspertët kanë zbuluar se çfarë ndodh me trupin tonë kur nuk kryejmë më marrëdhënie seksuale.
Ju mund të ndieni një ndryshim në libidon tuaj. Seksi është një gjë e fuqishme. Ka fuqinë për të përmirësuar gjendjen shpirtërore dhe madje seksi një herë në javë mund të rrisë jetëgjatësinë. Të mos kryerit të marrëdhënieve seksuale mund të ndikojë në trupin tuaj, në bazë të shëndetit tuaj, moshës dhe madje çfarë lloj seksi keni pasur. Por nëse jeni në përgjithësi të shëndetshëm dhe keni ndaluar vetëm të bëni marrëdhënie seksuale për shkak të mungesës së partnerit ose zgjedhjes së ndërgjegjshme (dhe jo ndonjë arsye tjetër fizike), ka disa ndryshime që mund të përjetoni. Ju mund të ndjeni ose një humbje të lëvizjes seksuale – ose një rritje në epsh!
Zakonisht mund të ndiheni të mërzitur. Seksi është pjesë fizike dhe pjesë mentale. Lidhjet seksuale u japin partnerëve ndjesitë e përkëdheljes dhe prekjes së lëkurës në lëkurë dhe kjo mund të ndihmojë në rregullimin e humorit të njëri-tjetrit. Pa përfitimin e këtyre, ju mund të jeni të prirur për t’u ndierë të mërzitur.
Muret tuaja vaginale mund të dobësohen. Tek gratë që hyjnë në menopauzë, nëse nuk ka depërtim vaginal, funksionin shprehja “përdore ose humbe”. Kjo pasi, duke mos pasur marrëdhënie të rregullta, si dhe duke kaluar mosha muret e vaginës tuaj hollohen dhe mund të çojë në seks të dhimbshëm.
Mund të keni më pak lubrifikim. Për gratë më të vjetra në moshë, vagina mund të dojë kohë të lubrifikohet deri kur të filloni të keni marrëdhënie seksuale përsëri.
Ju mund të ndiheni më shumë – ose më pak të stresuar. Ashtu si efektet e tjera psikologjike të mungesës së seksit, kjo është e ndërlikuar. Njerëzit që janë më pak të stresuar kanë tendencë të kenë më shumë seks, por përsëri kjo varet. Duke qenë se seksi mund të jetë dhe një lehtësim i stresit për ju, fakti që nuk mund ta bëni atë, mund të shkaktojë një rritje në nivelin tuaj të stresit.
Ulet rrezikshmëria e sëmundjeve seksualisht të transmetueshme. Nuk mund të jetë një surprizë që rreziku i infeksioneve seksualisht të transmetueshme të ulet nëse nuk keni marrëdhënie seksuale, por shkalla e infeksioneve të traktit urinar mund të zvogëlohet gjithashtu. Por kjo varet nga lloji i seksit që keni.
Ju mund të bëheni më pak inteligjentë. OK, jo saktësisht, por dy studime shumë interesante nga Universiteti i Merilendit dhe një nga Korenë e Jugut, zbuluan se marrëdhëniet seksuale përmirësuan funksionimin e trurit dhe rritjen e qelizave të trurit.
Ju mbani mend aftësinë fizike për seks. Megjithëse disa grupe, siç janë gratë në menopauzë, mund të kenë efekte afatgjata nga mos kryerja e marrëdhënieve seksuale zakonisht trupi juaj e kujton se si ta bëni atë./topchannel/
