Jose Mourinho ka etiketuar tri përforcime për afatin kalimtar të janarit në ekipin e Manchester Unitedit.

Manchester United nuk e ka nisur aspak mirë këtë sezon, pasi është ende larg objektiveve në kampionat, por nuk po bind as në Ligën e Kampionëve.

Kjo situatë dhe formë jo e mirë e ka brengosur tej mase trajneri portugez të Djajve të Kuq, Mourinho.

Kështu, ‘Special One’ synon tri përforcime gjatë afatit kalimtar të janarit për të mbuluar boshllëkun në skuadër.

Diego Godin (Foto: Gonzalo Arroyo Moreno/Getty Images/Guliver)

Sigurisht që reparti që ka nevojë më shumë për përforcime është mbrojtja, por portugezi synon përforcime edhe në mesfushë.

Gary Cahill (Foto: Getty Images)

Sipas mediumit anglez Daily Star, Mourinho po bën presion për transferimin e mbrojtësit të Atletico Madridit, Diego Godin dhe atij të Chelseat, Gary Cahill.

Në anën tjetër, në mesfushë pëlqehet shumë italiani i Romës, Lorenzo Pellegrini.

Transferimi i mbrojtësve Godin dhe Cahill është më i lehtë shkaku i moshës dhe kontratës afër përfundimin, ndërsa për Pellegrinin do të jetë më vështirë. /Telegrafi/

Lorenzo Pellegrini (Foto: Paolo Bruno/Getty Images/Guliver)