Kandidati i Aleancës për Ardhmërinë e Kosovës, Fatmir Gashi, ka vizituar sot “Comodita Home”, prej kur ka vlerësuar lartë zhvillimin e ndërmarrësisë në Pejë.
“Kur Peja flet për biznes, qytetet tjera duhet vetëm të mbajnë shënime”, ka shkruar Gashi në një postim të tijin në Facebook.

Kandidati i AAK’së gjithashtu ka premtuar pesë mijë vende të reja të Punës, nëse ai zgjedhet kryetar i Pejës.

Ky është postimi i plotë i Gashit:

Kur Peja flet për biznes, qytetet tjera duhet vetëm të mbajnë shënime

Vizitë tek storia e suksesit ‘Comodita’.

Vizituam stafin punues, u pritëm nga drejtori z.Ismet Bojku.

Nga këtu e ritheksojë: Unë besojë në shpirtin sipërmarrës pejan.

Peja, qytet i sportit dhe i kulturës, është qytet edhe i biznesit. Është Peja e esnafit.

Garantojë që në mandatit tim të parë 5 mijë vende pune për pejanët.

Formula ekziston: Kemi bizneset e guximshme, kemi popullin e shquar për punë, kemi kuadro të shkolluar. Kemi rini të gatshme. Komuna ka mjete, veç nuk duhet keqpërdorë.

Unë kam vënë në dispozicion tërë energjinë, dije, rrjetin dhe bagazhin profesional e ekonomik.

Pranë zyrës së kryetarit të komunës do të kemi inkubatorin e biznesit dhe zyrën për projekte.

Askush nuk investon në një qytet që identifikohet nga tenderomania. Peja humbi 4 vite jetë dhe zhvillim, si pasojë e korrupsionit.

Për Pejën e zhvilluar.

Sinqerisht,

Fatmir Gashi

TEMAT:FATMIR GASHI