Nënkryetari i Lëvizjes Vetëvendosje (VV), Shpend Ahmeti, i ka bërë thirrje të nominuarit për kryeministër nga radhët e koalicionit PDK-AAK-Nisma (PAN), Ramush Haradinaj, që të largohet nga pozicioni që pretendon ta marrë.
Ahmeti ka theksuar se kësaj situate nuk duhet t’i gëzohemi, sepse për çdo vendim, sipas tij, do të pyetet presidenti i Serbisë.
Në emisionin “Rrokum Rrokum” në TV Rrokum , ai ka thënë se mendon që PDK-ja duhet që të shkojë në opozitë, duke shtuar se “lideri i LDK-së, Isa Mustafa, ka qenë fajtor që nuk është arritur një marrëveshje në mes partisë së tij dhe VV-së”.
Ai ka folur edhe për kundërkandidatët të cilët pritet ta sfidojnë atë në garën e 22 tetorit, duke theksuar se këtë gjë qytetari do ta votojë më se miri.
