Pas një sëmundje të rëndë, ka vdekur Fatime Halimi -Hajrullahu, nëna e luftëtarit të lirisë së Kosovës, Sokol Godenit nga Zhegra e Gjilanit.
E ndjera, është varrosur, sot, në varrezat e Zhegrës, me nderime të mëdha, nga: familjarët, të afërmit, por edhe pjesëmarrës të shumtë nga Zhegra me rrethinë, Gjilani, Anamorava, Kosova, Maqedonia dhe Kosova Lindore.
Në varrim kanë marrë pjesë edhe ish luftëtarë të UÇK-së dhe përfaqësues të jetës publike nga Gjilani dhe Kosova, kurse për të ngushlluar familjen e Sokol Godenit dhe familjen e gjërë Hajrullahu dhe në varrim ishte edhe Rrustem Berisha, ish komandant i brigatës 138 “Agim Ramadani”.
Pas ceremonisë së varrimit, familja e ish luftëtarit të Luftës së Kosharës, Sokol Godeni, është ngushëlluar edhe nga Organizata e Veteranëve të UÇK-së, Dega në Gjilan.
Ai tha se çdo vdekje është e dhimbshme, mirëpo vdekjet dhe ndarjet nga nënat e dëshmorëve dhe ish luftëtarëve të lirisë janë të veçanta.
