Presidenti amerikan Donald Trump ka deklaruar se ka lënë udhëzime në rast se Irani do të kryente një atentat ndaj tij, duke paralajmëruar një përgjigje të ashpër ndaj Teheranit.
Në një intervistë për gazetën amerikane “New York Post”, Trump tha se ka qenë prej kohësh në listën e kërcënimeve të Iranit dhe se ka marrë masa paraprake nëse do t’i ndodhë diçka.
“Kam lënë udhëzime — nëse ndodh diçka, që të goditen në nivele që nuk i kanë parë kurrë më parë”, deklaroi Trump.
Ai pretendoi se Irani ka kërkuar vdekjen e tij prej vitesh, ndërsa shtoi: “Shpresoj se do të më mungoni”.
Deklaratat e presidentit amerikan erdhën pasi gjatë një ceremonie mortore për liderin suprem iranian Ali Khamenei u shfaqën thirrje dhe pankarta kundër Trumpit.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
