Ministrja e Tregtisë dhe Industrisë, Hykmete Bajrami, e cila ishte pjesë e delegacionit të Kosovës të kryesuar nga presidentja Jahjaga në vizitën shtetërore në Maltë, mori pjesë në takimin e zhvilluar me presidenten e Maltës, Marie Louise Coleiro Preca dhe me ministrin e Punëve të Jashtme, George Vella.
Gjatë ditës së sotme, ministrja Bajrami zhvilloi një takim bilateral me Ministrin për Ekonomi, Investime dhe Biznes të Vogël, z. Chris Cardona, me të cilin diskutoi rreth intensifikimit të bashkëpunimit ekonomik në mes të dyja vendeve. Me theks të vaçant, të dy ministrat diskutuan rreth marrëveshjes për mbrojtjen e investimeve e cila pritet të nënshkruhet shumë shpejt në mes të dyja vendeve. Në takim u diskutua poashtu edhe rreth mundësisë së zgjerimit të aktivitetit të kompanive nga Malta në Kosovë marrë parasysh pohimin e kompanive malteze se ato e shohin Kosovën si mundësi për të zgjeruar aktivitetin e tyre afarist në tregjet e jashtme.
Në takimin e zhvilluar në mes Odave Ekonomike nga Kosova dhe nga Malta, ministrja Bajrami foli rreth situatës ekonomike në Kosovë dhe prezantoi mundësitë për investime në vendin tonë. Në këtë takim u nënshkrua marrëveshja e bashkëpunimit në mes të Odës Ekonomike të Kosovës dhe asaj të Maltës.
Lajmet
Ministrja Bajrami flet për ekonominë e Kosovës dhe mundësitë për investime gjatë vizitës zyrtare në Maltë
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
NGA KATEGORIA
TË FUNDIT
