Kryesuesi i Delegacionit Teknik për bisedime për fushën e sigurimeve dhe Karton të Gjelbër, Rrahim Pacolli ka adresuar kritika të rënda në adresë të qeverisë së Kosovës. Këtu poshtë po e postojmë reagimin e tij të plotë që ka bërë në rrjetin social facebook:

Qeveria e Kosovës nuk po e nxitë natalitetin

Me gjitha mangësitë, papunësinë, krizën e vazhdueshme ekonomike, Qeveria e Kosovës po dështon edhe në sektorin e shëndetësisë, si në aspektin e sigurimit shëndetësor e deri tek çmimet e larta të barërave.

Sot në rajon shtetet që na rrethojnë edhe në aspektin e nxitjes së natalitetit janë shumë më mirë të organizuar se ne. Qeveria e Kosovës duhet ta shoh me seriozitet të madh një gjë të tillë, ku familjeve më të mëdha se 5 anëtarshe tu ndahet subvencion për lindjen e fëmijës së katër si dhe familjeve me asistencë sociale tu ndihmohet me pensione shtesë për rritjen dhe shkollimin e fëmijëve deri në moshën 16 vjeçe. Kjo do të kishte me qene esenciale për shtimin e popullatës, sepse vetëm me shtim të popullatës një popull e ka edhe fuqinë në të gjitha aspektet. Rr.P.