Nuk është vetëm trajneri serb Sinisa Mihajloviq që nuk e ka të sigurt të ardhmen e tij te Milani. E ardhmja e trajnerit është pezull, ashtu si një pjesë e grupit. Largimi i Balotelli-t është i sigurt, disa të tjerë janë në dyshim, si Menez, Niang, Boateng, Mexes dhe Diego Lopez, por ekziston bindja se skuadra ka një bazë solide mbi të cilën mund të planifikojë rimëkëmbjen. Romagnoli dhe Bacca kanë qenë lojtarët më të shtrenjtë të merkatos së verës, derisa vitin e ardhshëm kuqezinjtë do ta ndërtojnë ekipin pikërisht rreth mbrojtësit dhe sulmuesit, të cilët kanë bindur me paraqitjet e tyre. Një tjetër lojtar që e ka të sigurt vendin në ekip është portieri Donnarumma, i cili ka qenë një dhuratë nga ekipi i moshave. Nuk do të lëvizin nga mesfusha Bonaventura dhe Montolivo.
