Ish-kryeministri i Shqipërisë Sali Berisha thotë se Vetëvendosje po vepron plotësisht në kundërshtim me idealin kombëtar. Ai i ka quajtur të papranueshme veprimet e fundit në Kuvend në Kosovë, kur opozita përdori gazin lotësjellës.
“Partia e Vetëvendosjes është forca politike e vetme në Kosovë e cila thotë se, unë jam për bashkim kombëtar. E them me bindjen më të thellë se kjo formë pune që ndjek ajo është absolutisht në kundërshtim me idealin e bashkimit kombëtar”, tha Berisha në ‘Zona e Lirë’ me Arian Çanin.
‘Nuk mund të ketë bashkim kombëtar duke përdorur dhunë në parlamentin e Kosovës. Nuk mund të ketë bashkim kombëtar pa bindur qytetarët e Kosovës, qytetarët e Shqipërisë dhe aleatët tanë. Gazi, dhunë e papranushem’, tha Berisha. /Express/
http://www.dailymotion.com/video/x3vw56n_s-berisha
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
