Kryetari i Federatës së Kosovës, Fadil Vokrri, gjatë kohës sa ishte futbollist aktiv, kishte shumë oferta nga klubet më të mëdha të futbollit Evropian.
Ndër klubet e mëdha të interesuara për shërbimet e Vokrrit në atë kohë, ishte edhe klubi kampion i Italisë, Juventusi.
Gjithçka ndodhi në vitin 1987, kur klubi i Juventusit, i propozoi nënshkrimin e një kontrate disa vjeçare Fadil Vokrrit, pasi që në atë kohë Vokrri ishte vlerësuar si futbollisti më i mirë i vitit në Jugosllavi.
Vokrrin e priste kontrata me Juventusin, mirëpo në atë vit u thirr për ta kryer shërbimin e detyruar ushtarak dhe sipas ligjit Jugosllav, sportistët nuk mund të luanin jashtë Jugosllavisë në qoftë se ata nuk e kishin kryer shërbimin ushtarak të detyruar, para moshës 27 – vjeçare.
/lajmi.net/
