Shëndeti i Fidel Kastros është ende mister, por duket se nuk është edhe aq i fshehtë sekreti “natyror” që qëndron pas trajtimit të tij: Moringa oleifera. Me gjetha të gjelbërta smeraldi dhe lule të bardha, një aromë të kujton asparagun dhe një lartësi deri në dhjetë metra, ajo është një bimë e njohur edhe si “pema e mrekullive” ose “pema e jetës”. Ajo i takon familjes Moringaceae dhe rritet në Indi dhe rrëzë Himalajave, por është rritur më së shumti në rajonet tropikale dhe ekuatoriale të planetit, veçanërisht në Etiopi, Filipine dhe Sudan. Amerika e Jugut ndodhet në Kubë, në Republikën Domenikane, Paraguai dhe Argjentinë.
Fidel Kastro ka një plantacion privat nga e cila merret bima e mrekullive, aq sa disa thonë se ai është plot gjallëri, pavarëisht se në moshën 89-vjeçarë, i ëhstë nënshtruar disa operacioneve, për një kancer të mundshëm në stomak, që më pas u mohua. Janë konkretisht gjethete e kësaj bime ato që konsiderohen si të mrekullueshme, dhe si një një eliksir i jetëgjatësisë. “Moringa, me origjinë nga India, është e vetmja bimë që ka çdo lloj aminoacidesh. Me menaxhimin e duhur, prodhimi i gjetheve mund të tejkalojë 300 ton për hektar në vit. Ajo ka dhjetra veti medicinale,” tha Fideli. “Efektet e sajj në sistemin e tretjes janë shumë të mira, si me të gjitha bimët, përveç proteinave të saj të kualitetit të lartë, por nuk duhet të tejkalojnë 30 gram në ditë. Unë e di se disa njerëz e konsumojnë më shumë në formën e çajit, ose të pluhurit, me rezultate të shkëlqyera në sajë të cilësive të saj qetësuese, që janë të dobishme për të fjetur”, ka thënë lideri kuban, i cili mendon se ajo mund të jetë vendimtare edhe për mosushqimin.
Nga Moringa mund ta hahen frutat, gjethet dhe lulet, aq sa ajo është përfshirë në recetën vegane dhe vetitë e saj të dobishme janë me të vërtetë të shumta: ajo është e pasur me substanca me veti antioksideuese dhe anti-inflamatore që e bëjnë efektive në mbrojtjen e sistemit imunitar, për të nxitur një qarkullim të mirë dhe një tretje të shëndetshme, balancon metabolizmin, rregullon nivelet e hormoneve, trajton aknet dhe siguron një lëkurë të butë.
FAO thotë se është e pasur me proteina, vitamina A, B, C dhe minerale, mund të përdoret si ekuivalent i spinaqit, sepse gjethet përmbajnë kalcium dhe hekur.
