Anëtari i kryesisë së Nismës për Kosovën, Bilall Sherifi ka këmbëngulur se mënyra e vetme për të dalë nga kriza politike në vend, është dorëheqja e qeverisë.
Në një prononcim për Indeksonline, Sherifi ka thënë se opozita vazhdon të jetë e bashkuar dhe e koordinuar në qëndrime.

“Qëndrimi i Nismës për Kosovën dhe e opozitës si tërësi është dorëheqja e qeverisë. Zgjedhjet e reja të parakohshme do të ishin mekanizëm i cili do ti legjitimonte të gjitha forcat politike”, ka thënë Sherifi.

I pyetur për deklaratën e Aleancës për Ardhmërinë e Kosovës, e cila në medie u kuptua si një reflektim i kreut të AAK-së Ramush Haradinaj për të dialoguar me qeverinë, Sherifi tha se ai e ka lexuar personalisht komunikatën e AAK-së dhe se për të, nuk ka asnjë dallim nga deklaratat e deritanishme të opozitës

“Po unë e kam lexuar vet komunikatën, dhe nga ajo nuk shoh ndonjë dallim nga të dy partitë e tjera opozitare. Ndaj konsiderojmë se dorëheqja dhe zgjedhjet janë rruga e vetme për tejkalimin e krizës do ti hapte rrugë vendit për zhvillim”, ka thënë Sherifi.