Ambasadori norvegjez në Kosovë, Jan Braathu duke komentuar në një status të Bajram Gecajt për Vetëvendosjen, thotë se ata kanë zgjedhur rrugën e izolimit dhe po e caktojnë veten si mbrojtës të popullit.
Bajram Gecaj ka shkruar se Vetëvendosje ka thënë se “ambasadave u është lagur baruti dhe nuk po ju dhezë më në popull”.
Statusi i Gecajt:
Pas kërkesës së para disa ditëve për rishikimin e marrëdhënieve të Republikës së Kosovës me Shtetet e Bashkuara të Amerikës dhe Britaninë e Madhe, nga Lëvizja Anarkiste e Vetëvendosjes na vijnë zëra shtesë se “ambasadave u është lagur baruti dhe nuk po ju dhezë më në popull”. I rikujtoi këta anarkistë se është mu baruti i shteteve të cilat përfaqësohen nga këto ambasada i cili na ka mundësuar të gëzojmë lirinë dhe pavarësinë të cilën e kemi sot. Këta “bukëpërmbysës” duhet të vetëdijesohen dhe të kuptojnë një herë e përgjithmonë se nuk mund të orientojnë popullin përjetësisht mirënjohës të Republikës së Kosovës kundër aleatëve tonë më të mirë. Nëse jo perëndimin, ata duhet të na bëjnë të ditur se cilin drejtim kanë zgjedhur, sepse dita-ditës po qartësohen qëndrimet e tyre anti-perëndimore.
Ndërkohë Brathu komenton në status:
“Ata kanë zgjedhur rrugën e izolimit të Hoxha-izmit sigurisht duke e caktuar veten e tyre si “mbrojtës” të popullit.
