Drejtori i Përgjithshëm i Policisë së Kosovës, Shpend Maxhuni në ceremoninë përmbyllëse për vitin 2015, tha se parandalimi dhe luftimi i krimit të organizuar mbetet prioritet për këtë institucion, bashkë me luftën kundër terrorizmit, ekstremizmit dhe radikalizmit.
Ai tha se ceremonia e sotme i dedikohet policëve të cilën kanë arritur të shënojnë rezultate dhe suksese, duke shtuar se 2015-ta ka qenë vit i sfidave dhe angazhimeve të shumta.
Maxhuni shtoi se mes tjerash se PK mbetet faktor i sigurisë edhe në rajon. Sipas tij, qytetarët e Kosovës meritojnë të kenë sa më pak krim dhe sa më shumë siguri. Për të s’ka vlerë më të madhe se sa të punosh për vendin dhe ky është një nderë që kanë pjesëtarët e PK-së.
Ai paraqiti para të pranishmëve statistikat janar-nëntor 2015, lidhur me sigurinë dhe rastet e dënimeve e lëndimeve.
Pjesë e kësaj ceremonie ishin edhe ministri i Punëve të Brendshme, Skender Hyseni, kryeprokurori i shtetit Aleksander Lumezi, drejtori i përgjithshëm i Doganave, Lulzim Rafuna.
Ministri Hyseni tha se të gjitha punët dhe statistikat e paraqitura nga drejtori Maxhuni dëshmojnë për profesionalizmin, përkushtimin dhe patriotizmin e PK-së në misionin e saj për të ofruar rend dhe siguri.
Ai tha të jetë krenarë për punën e këtij institucioni duke u zotuar se do të vazhdojë të përkrahë edhe matej Policinë.
Në këtë ceremoni u bë edhe ndarja e medaljeve, ku ministri Hyseni ishte i pari që mori një pllakat në shenjë falënderimi, bashkë me Lumezin. Po ashtu, janë shpërndarë edhe letra falënderuese edhe për gazetarë.
