Policia belge ka arrestuar në Bruksel një person që dyshohet të ketë lidhje me sulmet e 13 nëntorit në Paris ku mbetën të vrarë 130 persona.
Lajmi u bë i ditur nga prokurorët federalë të enjten, duke e çuar në nëntë numrin e të arrestuarve në Belgjikë.
Personi u arrestua më herë këtë javë, por prokurorët nuk bënë zë për ngjarjen pasi nuk donin të alarmonin bashkëpunëtorët e mundshëm, tha një zëdhënës i prokurorisë.
Detaje të tjera do të zbardhen gjatë ditës së sotme, pasi ende nuk eshte bere i ditur identiteti i te arrestuarit.
Supozohet se personi i arrestuar ka pasur kontakte me trurin e sulmeve në Paris, Abdelhamid Abaaoud, i cili u vra gjatë bastisjeve të policisë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
