Gionee ka shtuar dy telefona të rinj inteligjentë tek seritë Marathon me bateri gjigante. Kompania zbuloi dje në Kinë telefonat inteligjentë Marathon M5 Plus dhe Marathon M5 Enjoy.
Gionee M5 Plus ofron veçori më të mira (që krahasohen me ato të iPhone 6 dhe Galaxy S6) dhe kushton vetëm 385 dollarë. Telefoni fuqizohet nga procesori më i mirë Mediatek MT6753 me tetë bërthama, së bashku me 3GB RAM dhe 64GB hapësirë të brendshme, e cila mund të zgjerohet deri në 128GB nëpërmjet kartës microSD.
Gionee M5 Plus ka ekran 6 inç FullHD AMOLED dhe fuqizohet nga një bateri me kapacitet 5,020mAh. Përmasat e tij janë 160.9 x 81.2 x 8.4mm dhe peshon 208 gramë.
Kamera parësore është 13 megapikselë me vetë-fokusim dhe blicin LED, ndërsa kamera dytësore është 5 megapikselë. Telefoni ka edhe një sensor për gjurmët e gishtave tek butoni kryesor. Ai mbështet rrjetet e shumëfishta 2G/3G dhe LTE, si dhe Bluetooth 4.0, dhe operon me sistemin Android 5.1 Lollipop me ndërfaqen Amigo OS të kompanisë.
