Kryetari i Partisë Radikale Serbe, Vojisllav Sheshel, duket se nuk e ka ndërmend të ndalet së provokuari, pasi ai sot ka postuar disa fotografi në llogarinë e tij në Twitter, të cilat kanë përshkrime me dy kuptime, shkruan e përditshmja serbe Blic.
Në mënyrë të veçantë, në fotografi mund të shihet Sheshel me një thikë në dorë duke qëndruar pranë një tavoline në të cilën është prerë mish derri, transmeton lajmi.net.
Sheshel shihet i veshur me një përparëse të përgjakur, ndërsa mbishkrimi në fotografi thotë, “Ja, sërish po masakroj”, derisa në një fotografi tjetër shkruan, “Kush masakron, keq nuk mendon”. Ndërsa në përshkrimin e fotografisë së tretë, Sheshel ka shkruar, “Sa i përket masakrimit nuk ka më të mirë se unë”./lajmi.net/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
