Deputeti i Vetëvendosjes, Rexhep Selimi, i ka konsideruar etiketime të Thaçit, deklaratën e këtij të fundit se djegia e veturave zyrtare ligjet me opozitën.
Selimi ka thënë për Indeksonline se Thaçi është kujdestar i etiketimeve dhe, sipas tij, ai ka dëshirë që kundërshtarët politik të jenë sic dëshiron.
“Po duket që zëvendëskryeministri Thaçi është kujdestar i etiketimeve dhe ai po donë që kundërshtarët politik t’i ketë ashtu siç donë dhe jo ashtu siç janë. Ne jemi kundërshtar politik dhe vazhdojmë të mbesim përderisa ai e ka këtë bindje politike, por ne nuk jemi kundërshtar politik siç donë ai, por jemi ne jemi kundërshtar politik siç duam ne dhe siç duhet të jemi”, ka thënë Selimi për Indeksonline të dielën.
Selimi ka thënë se Thaçi mbetet në politik përmes etiketimeve, duke e konsideruar se të njëjtën e bëri edhe me Bashkimin Evropian ku Kosova nuk përfitojë liberalizim vizash. Selimi ka shtuar se nuk duan as t’i dëgjojnë dhe as të merren me, siç i ka quajtur ai, etiketimet e Thaçit.
“Prandaj në vargun e etiketimeve të shumta të zv-kryeministrit Thaçi, duket që në zakonin e tij të vjetër, po vazhdojnë etiketimet për të mbetur në politik. Ne nuk duam ta dëgjojmë dhe të merremi me etiketimet e tij, por kështu bëri edhe në vazhdimësi, e sidomos në etiketimet e tij në fundit si kërcënim ndaj Bashkimit Evropian, ku Kosova nuk morri liberalizimin e vizave për fajin e tij dhe Qeverisë së tij , ai e kërcënoi edhe Bashkimin Evropain me rritjen e ekstremizmit islamik dhe politik dhe ne nuk jemi kundërshtar siç donë ai, por siç duam ne”, ka thënë Selimi.
