Ministri i Integrimit Evropian, Bekim Çollaku ka bërë me dije se, pavarësisht gjuhës së rezervuar nga Këshilli i Bashkimit Evropian, procesi i liberalizimit të vizave nuk ka dështuar.
Ai ka thënë për ‘Epokën e re’ se është e sigurt lëvizja e qytetarëve të Kosovës pa viza në vitin 2016.
Sipas Çollakut, Kosova i ka përmbushur kushtet, por radhën e ka Bashkimi Evropian të dëshmojë se e trajton Kosovës dhe qytetarët e saj në mënyrë të barabartë me shtetet e tjera të rajonit.
Në këtë kontekst, ai ka thënë se shumë shpejt duhet të marrë fund situata paradoksale, ku kemi liri të lëvizjes së mallrave, por jo liri edhe të lëvizjes së njerëzve. /Telegrafi/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
