Thaçi po tenton që dështimet e tij t’i transferojë tek BE-ja, tha Vjosa Osmani në Interaktiv të KTV-së, në lidhje me një debat verbal gjatë seancës së sotme.
“Nëse nuk ka dialog dhe parlament pa opozitë, që nuk funksionon, atëherë vinë zgjedhjet”, tha Osmani , duke përsëritur se nuk do ta votojë Thaçin për president. Ajo më tej ka thënë se nuk e ka votuar as Veselin për kryetar të Kuvendit të Kosovës.
Deputetja Vjosa Osmani ka vënë theks të veçantë tek Komisioni i Venedikut, ku sipas saj do të ishte një zgjidhje e mirë për mosmarrëveshjet në Kosovë, por që nuk duhet krijuar praktikë për çdo marrëveshje. Ajo foli edhe për Thaçin.
Ndërsa tek pika e referendumit, Osmani ka thënë se ajo e ka një propozim që e ka bërë gati më herët dhe ajo gjë mund të kryhet për një kohë shumë të shkurtë, transmeton Koha.net.
