Rrahim Pacolli nga radhët e partisë së ish-Presidentit të Kosovës, biznismenti Behgjet Pacolli AKR, ka reaguar pas deklaratave të analistit maqedonas Stefan Vlahov Micev.
Regaimi i plotë i z. Pacolli
Sllavo maqedonasi Stefan Vlahov Micev ndihët komod kur fyen dhe kërcënon shqiptarët, madje ai shkon aq larg sa që thotë se do të vijë koha që shqiptarët nuk do të mund të flasin gjuhën e tyre në Maqedoni.
E përgëzoi gazetaren Arta Tahiri e cila e dëboi nga debati ekstremistin sllavo-maqedonas i cili villte vrer mbi shqiptarët atje, por të mos harrojmë se me të tillët sot atje qeverisin një pjesë e shqiptarëve me klikat e tyre politike të cilët i kanë fut veshtë në lesh dhe nuk qajnë kokën fare për shqiptarët atje. Marrëveshja e Ohrit as sot e kësaj dite nuk u zbatua ngase disa lider shqiptarë u shërbejnë ekskluzivisht interesave sllavo-maqedonase.
Në Maqedoni, shqiptarët para se të ngrehin zërin për të drejtat e tyre duhet të bëhen unik që njëherë e përgjithmonë t`i largojnë politikanët kukulla që i përfaqësojnë ata. Atje duhet të vendoset një personalitet i cili lufton për të drejtat e shqiptarëve denjësisht në të kundërtën tipa të tillë si Minceva e Gruevska do të dalin me komoditet kundër shqiptarëve autokton të cilët jetojnë me shekuj në tokat e tyre Ilire.
Por prapë se prapë sllavo-maqedonasit duhet ta kenë një gjë të qartë, pavarësisht rrethanave, shqiptaret gjithmonë do të dominojnë në Ballkan dhe gjuha shqipe do të dëgjohet gjithherë në tokat ku shqiptarët jetuan, jetojnë e do të jetojnë. Rr.P.
