Lideri i AAK’së, Ramush Haradinaj, në konferencën e partisë për aderimet e reja në parti, i është përgjigjur Kadri Veselit pas deklaratës së tij se shefi i sigurimit kishte bashkëpunuar me opozitën. Haradinaj ka mohuar se partitë opozitare nuk kanë pasur ndihmën nga policia.
“Ne nuk kemi pas ndihmë nga Policia e Kosovës”, ka thënë Haradinaj, duke mos e komentuar më shumë.

Ai ka shtuar se për pyetjet tjera do të përgjigjen në konferencën e përbashkët të partive opozitare, që do të mbahet në ora 13:00, në selinë e Nismës për Kosovën.

Dje, Kryetari i Kuvendit të Kosovës, Kadri Veseli ka thënë se derisa kryesia e Kuvendit është munduar t’i ndal veprimet e deputetëve të opozitës, shefi i sigurimit të Kuvendit të Kosovës, Fatmir Shiqiri ka bashkëpunuar me opozitën./Express/