Fillon sot kampionati europian i Shqipërisë. Në Paris në oren 18:00 do të hidhet shorti për fazën finale të europianit që do zhvillohet qershorin e ardhshëm. Kuqezinjtë për herë të parë pjesëmarrës në këtë event do të mësojë kundërshtarët që do të kenë në grupin e tyre.
Shqipëria bën pjesë në vazon e katërt për shkak edhe të koeficentit të ulët që ka në turnet e 3 viteve të fundit.
Trajneri i Kombëtares, në një intervistë për Top Channel shprehet se nuk ka preferenca për kundërshtarët e mundshëm, por vetëm një dëshirë të mos kemi në grup Zvicrën.
“Nuk kam ekipe të preferuara. Jemi në vazon e katërt dhe përballë do të kemi ekipe të forta, por ky nuk është një problem as ndonjë surprizë. Jemi këtu për të bërë më të mirën dhe shpresojmë që kur të ndeshen më në kundërshtarët të mos jenë në formën e tyre më të mirë, por në krahun tjetër në të jemi në forme të shkëlqyer. Kam takuar sot trajnerin Petkoviç të Zvicrës dhe diskutuam. Nuk duam të jemi në një grup sepse do të ishte një ndeshje mes vellezërish. Ne kemi një Xhaka dhe ata kanë një Xhaka, do ishte mirë ta shmangim këtë ndeshje mes vellezërve”, deklaron De Biazi.
Shorti i fazës finale të Europianin do të transmetohet direkt në Top Channel sot në orën 17:30.
/ Top Channel
