Dy deputetët opozitarë, Donika Kadaj-Bujupi e AAK’së dhe Faton Topalli i VV’së mund të përballen me ligjin, pasi veprimi i tyre i fundit në seancën e sotme të Kuvendit sipas ligjit paraqet vepër penale.
Kadaj dhe Topalli me të nisur seanca e të enjtes kanë hedhur gaz lotsjellës në sallën e Kuvendit.

Për këtë veprim burime të Gazetës Express tregojnë se dy deputetët do të thirren për tu intervistuar nga Policia dhe Prokuroria e Kosovës.

Të njëjtat burime thonë se asnjëri nga ta nuk e kanë ndermend tu pëgjigjen këtyre thirrjeve.

Për veprim të njëjtë, Policia kishte arrestuar të hënën edhe deputetin e VV’së, Albin Kurti dhe ka lëshuar thirrje gjithashtu për Albulena Haxhiun.

Kurti kishte hedhur gaz në seancën e së enjtes së kaluar derisa Haxhiu dyshohet se e futi brenda atë.

Ndalja e Kurtit për intervistim nga Policia kishte sjellur trazira përballë stacionit kryesorë në Prishtinë, pasi aktivistet e VV’së kishin gjuajtur me gurë xhamat e ndërtesës së Policisë. /GazetaExpress