Triumfi në Aragon shton shpresat e Jorge Lorenzos për të qenë ai kampioni i ri i Botës në Moto Gp. Ngushtimi i disavantazhit ndaj Rossit në klasfikim në vetëm 14 pikë, 4 gara përpara përpara fundit të sezonit, bën që piloti spanjoll i Yamahas ta ketë vetë në dorë fatin e tij. Kështu nëse Lorenzo i fiton të gjitha garat e mbetura, titulli do të shkonte për të. Gjithsesi 28-vjecari nga Majorka edhe pse u shfaq shumë i lumtur pas suksesit të tij në Cmimin e Madh të Spanjës qëndroi me këmbë në tokë kur u pyet nga gazetarët për shanset që ka për tu shpallur kampion.
” Në Aragon u nisa shumë mirë, provova të shtyja shumë që nga fillimi i garës dhe gjërat shkuan mirë për mua kjo edhe sepse Marquez, që ishte edhe piloti që po ndiqte nga shumë pranë u rrëzua. Më pas pashë Pedrosën që mu afrua dhe mu desh të shtoja ritmin akoma edhe më shumë. Këtu në Spanjë cdo gjë shkoi në mënyrë perfekte për mua. Isha si një “peshkaqen” i plagosur për ato cfarë më kishin ndodhur në dy garat e fundit dhe në Aragon e dëshiroja me cdo kusht një fitore. Jam shumë i lumtur që triumfova në Spanjë. Tashmë diferenca me Rossin në klasfikim është vetëm 14 pikë? E rëndësishme është që tashmë do ta kem vetë në dorë fatin tim, por pavarsisht të gjithave Valentino mbetet favoriti kryesor për titullin, sepse është ai që kryeson për momentin”.
Gara në Aragon pa si protagonist kryesor pikërisht Doktorin i cili luftoi me Pedrosën për vendin e dytë nga fillimi e deri në fund të saj, por nuk ja doli ta linte pas spanjollin e Hondas. I intervistuar nga mediat Rossi e pranoi se Dani ishte më i shpejtë se ai dhe se e meritoi të renditej në vendin e dytë.
