Trajneri i Interit, Roberto Mancini, ka thënë se sfida me Fiorentinën do të jetë një ndeshje shumë e vështirë.
Sipas tij, skuadra nga Firenca është duke treguar formë mjaft të mirë në këtë sezon të garave.
“Nerazurët” kanë bërë një start të furishëm në këtë edicion të garave, duke arritur pesë fitore në po aq ndeshje, derisa Fiorentina zë vendin e dytë në tabelë me vetëm tri pikë më pak se Interi.
“Do të jetë një lojë e madhe. Do të jetë një ndeshje e vështirë për tu fituar”, ka thënë Mancini.
“Ne do të provojmë t’i shfrytëzojmë mundësitë e tona, por mendoj se do të jetë një ndeshje e vështirë për dy skuadrat”, ka theksuar tekniku italian.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
