Një gol i Shkodran Mustafit i mjaftoi Valencias për të “hedhur” në erë Granadan në “Mestalla” duke i mohuar miqve një pikë shumë të rëndësishme në garën për mbijetesën. Formacioni i Santosit dhe pse nuk luajti një ndeshje të shkëlqyer arriti të marrë maksimumin në fund, falë golit të mbrojtësit me origjinë shqiptare.
Granada ishte e pafat, sepse në disavantazh goditi dhe traversën në të 28-tën me anë të Marquez, ndërsa para pushimit ishte Ruben Rochina që ju afrua golit. Valencias në të 53-tën ju anullua dhe një gol me Negredon megjithatë rastet më të mira sërish i kishte Granada por që pavarësisht përpjekjeve nuk arriti të marrë një barazim. U mbyll gjithcka me fitoren e Valencias që ngjitet kështu në kuotën e 9 pikëve duke marrë fitoren e dytë në kampionat.
