Mirel Josa është i kënaqur për fitoren por ka edhe kritika për lojën e skuadrës së tij që mund të kishte dalë pa pikë ndaj Tiranës. Një trajner me eksperiencë në Superiore e di mirë se kur i mund bardheblutë arrin të krijosh një avantazh ndaj rivalëve në garën për titull.
“Jam i kënaqur me pikët me mënyrën sesi skuadra e kërkoi fitoren. Të mposhtësh Tiranën është avantahz i madh për ne. Duhet të vijojmë me këtë ritëm dhe të mendojmë për ndeshjen me Bylisin. Një fitore e rëndësishme sepse vinim pas humbjes me Besiktashin, që na kishte lënë më shumë pasoja negative. Patëm luhatje në pjesën e dytë me Tiranën. Jam i kënaqur në përgjithësi me lojën, por në pjesën e dytë patëm një 20 mintësh me gabime në pasime.
Pengu i madh i Shkëlqim Mucës në përballjen me korcarët është rasti i humbur i Gilman Likës, që mund t’i kishte dhuruar një fitore shumë të rëndësishme Tiranës në këtë transfertë. Trajneri i bardhebluve gjithsesi është i kënaqur me atë që dhanë futbollistët në fushë, pavarësisht humbjes.
“Meritonim fitoren. Kishim ardhur me objektiv të qarta. Në momentin që humbën atë rast shumë të pastër pësuam golin. Jam i kënaqur për atë që dhanë në fushë futbollistët ta mbajnë kokën lart për atë që dhanë në fushë. Në pjesën e dytë duhet ta kishim mbyllur me dy raste të pastra, e dinim që Skenderbeu do të linte hapësira prapa. Disa lojtarë nuk e kanë ritmin e duhur të lojës. Ekipi po tregon ngritje. Janë edhe 32 ndeshje nuk kemi pse të shqetësohemi shumë për këtë humbje.
