Gjilani nuk arriti të marrë fitoren në javën e 6-të në Reiffeisen Superligës duke humbur dhe mundësinë për të marrë kreun e renditjes në kampionat. Istogu shkaktoi surprizën në ndeshjen hapëse të javës, pasi regjistroi fitoren e parë në kampionat, pikërisht ndaj një prej ekipeve më në formë për momentin. Egzon Gashi ishte heroi i vendasve falë realizimit të minutës së 62-të, ku shfrytëzoi një pasim të Mensur Durakut. Ndeshja në fakt mes dy ekipeve ishte emocionuese, pavarësisht se në pjesën e parë rezultati mbeti i bllokuar në shifrat 0-0.
Eminhaziri shpërdoroi disa mundësi të mira në këtë fraksion për skuadrën e Gjilanit, ndërsa i pasaktë për Istogun u tregua Fatlum Gashi. Gjithsesi goli i minutës së 62-të i dha fitoren skuadrës së drejtuar nga Genc Hoxha, ndërsa Gjilani e mbylli ndeshjen me 10 vetë pas daljes me të kuq dhe të Artan Shalës. Javën e ardhshme Gjilani do të luajë në shtëpi me Llapin, ndërsa Istogu do të përballet me kampionët në fuqi të Ferronikelit.
